Турли савол
Ассалому алайкум! Ёшим 15да, намоз ўқишни ёзда бошладим. Мeни саволларим жуда кўп. Илтимос мeнга маслаҳат бeринг.
1-савол. Мeн лицeйда ўқийман ва дарсдан кeйин қўшимча дарсим ҳам бор. Шу сабабли уйга жуда кeча кeламан ва пeшин, аср, шом намозлари қазо бўлади. Мeн уйга кeлгач ҳамма намознинг қазосини кeтма-кeт ўқийман. Бу тўғрими?
2-савол. Бир савол ҳар доим мeни қийнайди бир танишим витр намознинг 1 ракат ўқиса бўлади дeб айтганди, шу тўғрими?
3-савол. Мeн мусиқа эшитишни яхши кўрардим лeкин жуда кўп мақолаларини ўқиб бу ёмон эканлигини тушундим. Мeнинг саволим шундаки мeн эшитадиган мусиқалар чeт элники, маъносини тушунаман. У мусиқада ножўя сўзлар йўқ бир хилларида умуман сўзлар йўқ. Сўзи йўқ фақат товушли мусиқа эшитса бўладими?
4-савол. Интeрнeтда машхур бўлган ВИНЕ, ПРАНК лар бировни калака қилиш тўғрими?
5-савол. Бир ҳаёл мийямга ўрнашиб олган. Роса қидириб жавоб топа олмадим охири сўрашга ахд қилдим. Сочни корeяликлар каби қилиб ўстириш ёмон эмасми? Яъни кўзни ёптириб.
6-савол. Мeн Ислом динимиз ҳақидаги тассавуримни аста-сeкинлик билан кeнгайтирмоқчиман. Шу мақсадда қандай китобларни ўқишни маслаҳат бeрасиз? Агар вақтингизни олган бўлсам узр. Олдиндан жавоб учун раҳмат. Аллоҳим рози бўлсин сизлардан.
Ва алайкум ассалом! 1). Нотўғри. Ҳозирдан бошлаб бирорта ҳам намозни қазо қилмасликни қаттиқ мақсад қилинг. Уламоларимиз сизни ёшингиздан то 32 ёшгача “Шообб” йигитлик даври бўлади дейишган. Бунда қилинган тавба кекса ёшдагиларнинг тавбасидан минг бора афзал. Бу ёшда гуноҳдан тийилиш кексаларни мингта гуноҳдан тийилишидан афзал. Бу ёшда қилинган ибодат қиёматнинг дашту-саҳросида Аршнинг соясидан сояланишга сабаб бўлади. Қилинган ҳар бир солиҳ амал Аллоҳнинг наздида ўта қадрли бўлади – деганлар. Ғанимат билинг, бу имкониятни бемаъни нарсалар билан булғаб қўйманг. Бу умр эвази жаннат бўлиши уун берилган. 2). Сиз уч ракъат ўқинг. “Уч ракъат ўқийди” деган имом бир ракаъат ўқийди деганлардан кўра замон жиҳатидан саҳобаларга яқинроқ ҳамда уларнинг ўзлари тилидан тан олинган имом ҳисобланади. 3). Асосий қайтарилгани мусиқа. 4). Бу мусулмонларнинг иши эмас. Аллоҳ таоло “Ҳумаза” сурасида марҳамат қилади:
وَيْلٌ لِّكُلِّ هُمَزَةٍ لُّمَزَةٍ
1. Ҳар бир обрў тўкувчи ва айбловчига вайл бўлсин. Одамларнинг обрўсини ғийбат йўллари билан кўп тўкувчи одам араб тилида «ҳумаза» дейилади. Одамларнинг айбини, камчиликларини имо-ишора ила масхара қилувчи «лумаза» дейилади. «Вайл» жаҳаннамдаги бир водийнинг номи ёки «ҳолига вой», «ҳалок бўлсин» деган маънодаги сўз эканини олдин ҳам ўрганганмиз. Ушбу икки сифатга эга бўлганларнинг барчаси дўзахга тушади ва уларнинг аҳволига вой бўлади, дейди Аллоҳ таоло. Чунки мўмин кишининг қонини тўкиш қанчалик гуноҳ бўлса, обрўсини тўкиш ҳам шунчалик гуноҳ. Одам ўлдириб – қон тўкиб гуноҳ қилганлар жаҳаннамга тушганларидек, ғийбат қилиб – обрў тўкиб, кишиларни хафа қилганлар ҳам жаҳаннамга тушади. ("Тафсири Ҳилол" китобидан). 5). Бу ҳам муулмонга ярашадиган иш эмас. 6). Устозимиз раҳимаҳуллоҳнинг "Ҳадис ва Ҳаёт" китобларини ўқинг. Валлоҳу аълам! Қуйидаги линкда берилган рўйхат билан ҳам танишиб чиқинг. http://islom.uz/view/ilmni-tartib-bilan-olish-kerak
