Намоз ўқишни бошладим

Ассалому алайкум! Ман 2 йилдан буён чет элдаман. Ман намоз ўқишни кўпдан буён хавас қиламан. Яқинда 4-5 ой олдин масджидга бориб намоз ўқишни ўргандим, лекин чет элга чиққанларни намоз ўқиб ёмон йўлга кириб кетаётганларини ота-онам эшитишган фақат ота-онам эмас кўпчилик эшитган. Шунинг учун ман намоз ўқишимни ота-онамдан яшираман. Намоз ўқишни бошлаганимдан сўнг тилимда ўз-ўзидан Алҳамдуллаҳ, ИншаАллоҳ, Астаҳфируллоҳ деган сўзларни ишлатадиган бўлиб қолганман. Уйдагиларга тел қилганимда хам шу гапларни гапирсам “гапирма, намоз ўқима, соқол қўйма” дейишади. Чунки мани ёмон йўлга кириб кетишимдан қўрқишади. Улар бу намозга қаршиликлари билан гунохкор бўлиб қолмайдиларми? Улар ахир фарзандларини ўйламоқдалар тўғрими? Ота-онам гунохкор саналиб қолмайдиларми? Минг қилса хам ота-онам уларга ақл ўргатолмайман.