Таркибида спирт (алкоголь) бўлган хушбўйларни ишлатиш мумкинми?
Ассалому алайкум, устоз. Рамазон муборак бўлсин. Камина икки савол билан сизга мурожаат этмоқдаман. Агар саволим кўп такрорланган саволлардан бўлса узр сўрайман, айбга буюрмайсиз.
1. Баъзилар, таркибида спирт (алкоголь) бўлган хушбўйларни ишлатиш мумкин эмас, дейишади, ҳатто ундан фойдаланганнинг таҳорати ҳам бузилар эмиш. Аммо бунга далиллари йўқ. Бунга шариат нима дейди?
2. Хушбўйлик ҳидлаган одамни рўзаси очиладими? Уни суртганда-чи? Камина бу борада чалкашликларга ва тортишувларга дуч келганим учун сиздан илтимос қилмоқдаман.
- Ва алайкум ассалом!
1. Мазкур хушбўйларни бемалол ишлатиш мумкин. Уларни ишлатиб бўлмайди, деган олимлар йўқ. Чунки тайёрлаш давомида ўша сиз айтган нарса учиб ҳам кетади.
2. Хушбўй ҳидлаган одамнинг рўзаси, агар хушбўй нарсадан бирор қисми ичига кирмаса, очилмайди. Аммо рўзадор ўзини бу каби нарсалардан тийиб туради.
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
