Ака закотини укага бериш
17:06 / 02.06.2018 | Nodir Hojiev | 3666
Ассалому алайкум! Закоктни акага бериш тўғрисида берилган саволга берилган жавобда шундай дейилган экан "Нисоб эгаси бўлмаса ва ўлик моллари ҳам бўлмаса жоиз. Валлоҳу аълам! " Ўлик моллар нима маънони билдиради? Агар ака ёки укани мулки нисобга етмаган бўлса, қарзи бўлса, ундан ташқари уй қурвотган ёки қиз чиқарвотган бўлса, лекин акани ори, ғурури закот олишга қўймаса, закотни бу закотимдан деб эмас балки тўйга ёки қурилишга ишлатасиз деб берса бўладими(лекин ният хали хам закот бериш)?
«Зикр аҳлидан сўранг» ҳайъати:
Ваалайкум ассалом! Ҳозирда жуда кўпчилик ўзини камбағал деб билади. Аслида эса жуда кўпчилик закот беришга қодир бўлмасада қурбонлик нисобига қодир. Агар қурбонлик нисобига эга бўлмаса ака укага бериши ва закот деб айтмаслиги ҳам мумкин. Ажратаётганда закотим деб ният қилиш кифоя қилади. Валлоҳу аълам!
