Совун ҳақида савол

Ассаламу алайкум вароҳматуллоҳи ва Барокатуҳ, Шайх ҳазратлари! Сизга илм юқтирган ва бошқа инсонларни Сиздан савол сўрашликка насиб этган Аллоҳга беаъдад ҳамду санолар ва шукроналар бўлсин! Пайғамбаримиз Муҳаммад (С.А.В)га беҳисоб дуруду саловатлар бўлсин!Шайх ҳазратлари, вақтингизни олганим учун узр, бир савол билан мурожаат қилмоқчи эдим. Маълумки, совун ишлаб чиқаришда асосий хом-ашё турли хилдаги ўсимлик ва ҳайвонот (ҳалол ва ҳаром) ёғлари ва уларнинг чиқиндилари ҳисобланади. Бу ёғларнинг молекулалари кимёвий ишлов (ишқор билан аралашиб, реакцияга киришиш) натижасида парчаланиб, совунга айланади. Яъни соддароқ айтганда, ёғ ўзига қарши бўладиган (яъни ёғни кетказадиган) бошқа бир моддага - совунга айланади. Бундай ишлаб чиқаришда хом-ашё сифатида турли ишлаб чиқарувчилар турли ҳалол ёки ҳаром ёғлардан фойдаланишларини назарда тутган ҳолда, Сиздан сўрамоқчи бўлган саволим, бундай совунларни ишлатиш жоизми?