100 марта талоқ қўйиш
17:08 / 06.07.2018 | Икромжан | 5994
Ассалому алайкум! Мени исмим Икромжон, ёшим 39да. Уйланганимга 2 йил бўлди. Хозирда 1,5 йилдан бери сафардаман. Аёлимга жахл устида интернет орқали ва ўзининг телефон рақимига талок қўйдим деб 100 маротаба ёзиб юбордим. Талоқ тушадими? Агар тушса бу 1 талок дейиладим?
«Зикр аҳлидан сўранг» ҳайъати:
- Ва алайкум ассалом! Аёлингизга уч талоқ тушган. Қолган 97тасига қиёматда жавоб берасиз. Уч талоқнинг ҳукми ҳақида "Бахтиёр оила" китобида қуйидагича келган:
Ўзи уч талоқ қилган аёл.
Эр киши ўз аёлини бир талоқ ёки икки талоқ қилса, қайтадан ярашиши мумкин. Аммо уч талоқ қилгандан кейин ўша эр учун у аёл вақтинчалик ҳаромга айланади. Қуръони Каримнинг ҳукмига биноан, у аёл бошқа эрга тегиб, бу эри билан табиий ҳолатда ўлим ёки талоқ туфайли ажрашгандан кейингина биринчи эрга никоҳи ҳалол бўлади. Бунинг учун, албатта, у аёл иккинчи эр билан эр‑хотин бўлиб яшаши шарт. Иккинчи эр жинсий алоқага қодир эмас киши бўлса, аёл қайтадан биринчи эрга ҳалол бўлмайди. Никоҳ тўғри никоҳ бўлиши ҳам шарт қилинган. Валлоҳу аълам!
