Ҳайз ҳолатида гипс қилинса
18:36 / 10.10.2018 | Абдуррахман | 2710
Ассалому алайкум! Аёлим ҳайз ҳолатида бўлган пайтда оёғи синиб қолди ва тиззасигача гипс қилинди. Ғусл қилиш учун гипс ҳолатидаги оёғига сув тегмаса ҳам ғусул қабул боладими жавобингиз учун раҳмат аллоҳ рози бўлсин.
«Зикр аҳлидан сўранг» ҳайъати:
- Ва алайкум ассалом! Гипс қилинган жойинигина ювмай, бошқа жойларини ҳаммасини ювади. Гипс қилинган жойнинг ҳаммасига қўлини ҳўллаб масҳ тортади. Маҳсига масҳ тортиш билан бунинг ўртасида фарқ бор. Маҳсида фақат маҳсининг юза қисмига тортилса, бунда ҳамма жойига тортилиши шарт. Валлоҳу аълам!
