Куръон билан йуколган нарсани топиш

Ассалому алайкум! Ҳурматли устозлар, мен бир марта тиллаларимни йўқотиб қўйганимда мулла тоғамга ўзим хақимга дуо қилинг деб борган эдим. У киши Қуръон китобига ип боғлаб уни кичик чўпга осиб бир учини менга бир учини ўзлари ушлаб китоб варақлари орасига қариндошларимни исмини ёзиб солиб чиқдилар (буни кейин билдим) шунда бир овсинимга келганда китоб озроқ буралди, кейин ўша овсинимни эрига келганда китоб 180 градусга буралди (қўлимизни умуман қимирлатганимиз йўқ). Шунда тоғам тиллаларингни эрингни шу укаси олган овсининг хам буни билади дедилар. Шунда мен бу фол эмасми деганимда йўқ дедилар, лекин кўнглимда шундан бери билмай гунох қилиб қўйдим деган гумон бор. Шундан бери тавба қиламан. Шунақа қилиш тўғрими? Жавобларингиз учун раҳмат.