Сўгалли ота қабри ва қабрдан тупроқ олиш

Ассаламу алайкум ва рохматуллоҳи ва барокатух, муҳтарам Ҳазрат!Фарзандимнинг қўлидаги сўгаллар бир неча жарроҳлик муолажасидан кейин ҳам тузалмагач бир шифокор маслаҳати билан Сўгалли ота қабристонига бориб, ўша шифоли деб аталган лойдан шифоси Аллоҳдан деган ният ила олдим. Биринчи боришим ва қабрдан биринчи марта тупроқ олиш ҳақида эшитганим, ҳамда Сўгалли ота шахси ҳақида маълумот тополмаганимдан баъзи саволлар пайдо бўлди. У ерда бир домла томондан эҳтимом билан мармар тош қўйилган экан.1) У ердаги қабр ёнида кичик ёш дарахтда кишилар келиб, иплар боғлаб кетишган экан. Одатда бундай ишни илмсиз аёллар ва уларга эргашган эркаклар қилишади ва бунда ширкнинг аломатлари қалашган бўлади. Шунга кўнглим хижил бўлди. Қабр эгаси ҳаққига тиловат қилдим. Кечаси келиб шу тасбиҳ айтиши боисидан экилган, лекин кишиларнинг ширки туфайли ширкдан озор кўрган ва ўзи истиғфорга муҳтож бу дарахтни кесиб ташласаммикан, деган фикр келди. Шундай ширклар бўладиган жойдаги дарахтни кесса яхши эмасми? (Ахир Ҳазрат Умар розияллоҳу анҳу Худайбиядаги Ризвон байъати шоҳиди бўлган дарахтни ширк сабабидан кестирмадиларми?)2) Ўша жойдаги ҳолатни жуда ёмон кўрсам ҳам, Сўгалли ота ким бўлишидан қатъий назар, у ўзи ҳозир ожиз ва муҳтожлигини билиб туриб, фақатгина лойида шифо сабаби бўлиши мумкин деб, менинг қалбимдагини мендан яхши билган Аллоҳдан шифо умидида у лойдан уйимга олиб келдим. Қабрдан тупроқ олиш ва ўзи билан олиб кетиш мумкинми?