диск нусха

Ассалому Аллейкум Хурматли биродарлар, Хурматли Устоз!Барчангизга Аллоҳнинг раҳмати ва барокати булсин.Хурматли Устоз! Сиздан узр сураб яна мана шу мавзуда савол беқмоқчи эдим.Хурматли Устоз! Биз ҳам шу кунгача ДВД дискларни кучириб ёзиб келмоқдамиз, фақат фарқли уларок бизнинг махсулотларимиз ичида Бировларнинг даъват ёки маърузалари йўқ, биз фақат Қуръони Карим тиловатларини кўпайтириб сотмоқдамиз. Маълумки бизнинг шароитимизда узга чет эл қориларининг тиловатларини сотишга рўйхатдан утказишнинг иложи йўк хисоб, мана шу шароитда биз биродарларимизга ана уша қориларнинг қироатларини етказиб бериб турсак буладими, чунки кўп холларда кишилар бундан маҳрум этилмоқдалар. Хозирги теҳнологик ривожланиш, илм фан чуқисига чиқиб кетаётган бир вақтда мусулмонлардан масжидга бориб тингланглар десак булмаса керак, айниқса уйда утирган опа сингилларимиз ҳам баҳраманд булишларида бу нарса бизнингча булмас эди.- Сиз айтиб ўтганга ўхшаш нарсаларнинг эгалари ҳақ талаб қилмаган бўлса, маҳсулотнинг ўзида ман қилувчи белги ва ёзувлар бўлмаса ҳамда вафот этиб кетган кишиларнинг асари бўлиб, меросхўрлари ҳақ талаб қилмаётган бўлса, мазкур асарларни кўпайтириб сотиш жоиз. Бу ҳақда муаллифлик ҳаққи тўғрисидаги фатвода ҳам айтиб ўтилган.