Телаграмдаги каналлар ҳақида

Ассалому алайкум! Ҳурматли Зикр аҳлидан сўранг ҳайати! Мен (бошқа кўплаб юртдошларимиз каби) сизларнинг сайтларингиз ва ижтимоий тармоқлардаги саҳифаларингизни доимий кузатиб бораман. Ҳамда уларда ёзилганларга амал қилишга ҳаракат қиламан, чунки булар расмий манбаалар. Бошқа канал ёки манбаалардаги маълумотларга (балки улар ростдир, тўғридир) эътибор бермайман (эҳтиёткорлик юзасидан). Кундан-кунга янги каналлар кўпайиб боряпти, масалан: Маърузалар_Расмий.уз (каналнинг изоҳи: Канал Шайх Муҳаммад Содиқ Муҳаммад Юсуфнинг аудио савол-жавоблари, долзарб маърузалари қўйиб борилади. Ҳамда Юртимиздаги ҳозирда фаолият олиб бораётган Устоз имом домлалар маърузалари. Фақат Расмий Манба!), Шайх Муҳаммадсодиқ уз (каналнинг изоҳи: Канал Шайх Муҳаммад Содиқ Муҳаммад Юсуфнинг илмий-маънавий меросларини ўрганиш мақсадида очилган.) каби телеграм каналлари. Бу каналларга ҳавола(линк)лар Зикр аҳлидан сўранг каналининг изоҳидаги рўйхатда йўқ экан. Булар ҳам расмий каналлар ҳисобланадими? Жавобингиз учун раҳмат!