Номаҳрам аёлларга Қуръон ўргатиш жоизми?
00:00 / 20.01.2007 | eski savollar | 7500
Ассалому алайкум муҳтарам устоз. Менда бир савол бор эди. Киши номаҳрам аёлларга уларни илтимосига биноан Қуръон ўргатса бўладими? Яни биз яшаётган муҳитда мусулмонлар кам, бори ҳам унчалик илмлик эмас. Бир йигит Қуръон ўқишни билади. Шунга бошқа бир мусулмон бу кишидан ўз қизларига Қуръон ўргатишни илтимос қиляпти. Ўшанга нима қилишни билмай боши қотган у йигитни. Қизларни бири йигитдан катта иккинчиси кичкина. Илмлик аёллар ҳам камёб. Шунинг учун маслаҳатингизга муҳтожмиз.
Шайх Муҳаммад Содиқ Муҳаммад Юсуф роҳимаҳуллоҳ:
– Ва алайкум ассалом! Дарс пайтида қизларнинг маҳрами ёки отаси ёки акаси ёки укаси бирга ўтирсин. Устоз бошқа тарафга қараб, узоқроқда ўтирсин.
