Кирилл алифбосида ёзилган сура ва оятларни ёд олиш ва шу асосда намоз ўқиш ҳақида
00:00 / 19.01.2007 | eski savollar | 7759
Ассалому алайкум Шайх жаноблари! Саволларим қуйидагича: 1. Мен суралар ва дуоларни кирилл алифбосида ёд олганман. Яқинда араб алифбосини ўрганишни бошладим ва шунда суралардаги айрим оятларни асл ҳолидек талаффуз қилмаслигимни англадим. Мен олдин ўқиган намозларим ҳақида сўрамоқчиман. 2. Мен атрофимдаги дўстларимга ҳам кирилл алифбосидаги брошюра китобчасини масжиддан олиб берганман. Ундан намоз ўқишни ўрганиш дурустми? Жавоб учун олдиндан катта раҳмат. Ориф, Бухоро шаҳридан.
Шайх Муҳаммад Содиқ Муҳаммад Юсуф роҳимаҳуллоҳ:
– Ва алайкум ассалом! Олдин ўқилган намозларингиз иншааллоҳ мақбул. Энди қироатни биладиган одамдан тезда хатоларни тузатиб олинг. Дўстларингиз ҳам шундай қилсинлар.
