Оила ҳақида
16:06 / 17.04.2019 | Xudoyorxon | 2555
Ассалому алайкум! 3 фарзандли оила эрини талоқ қўйиши оқибатида ажрашиб кетди. Кейинчалик болалар етим қолмаслиги учун эр ва хотин ярашмоқчи, аммо қизнинг онаси бунга рози эмас. Шариъат бўйича қизнинг онаси рози бўлмаса ҳам эр ва хотин ярашиб бирга яшашга ҳақлими?
«Зикр аҳлидан сўранг» ҳайъати:
- Ва алайкум ассалом! Агар уч талоқ қилинган бўлса, она тўғри қилибди. Айни шу ҳолатда Расулуллоҳ соллаллоҳу алайҳи васалламнинг қиёматга яқин эр-хотин бўлганлар бир-бирлари билан зино қилади деган ҳадисларига тўлиқ тушади. Иккиси ҳам нафақат зинокор, балки ҳаромни ҳалол дегани учун янада оғирроқ гуноҳкор бўлишади. Қизнинг онаси Аллоҳдан қўрқадиган аёл экан. Аллоҳ тавфиқда бардавом қилсин. Валлоҳу аълам!
