Ҳаёт суғуртаси
00:18 / 26.04.2019 | Ahmadjon | 2471
Ассалому алайкум! Ҳозирда ҳаёт суғуртаси жуда оммалашиб бормоқда. Шартнома шартлари қуйидагича: ходимлар ўз ойлик иш ҳақларини суғурта компанияларига юборадилар. Ушбу суммадан даромад солиғи ушланмайди (қонунчиликка мувофиқ). Суғурта ташкилоти уларга 5 кун ичида 90 фоиз юборилган пулни қайтариб беради, қолган 7 фоизи бир йилдан кейин ва охирги 3 фоиз пулларига маълум миқдорда фоиз ҳисоблаб 60 ёшга тўлгач олиш имконига эга бўладилар. Менинг фикримча бундай қилиш тўғри эмас. Лекин ҳамкасбларим биз пулларимизга фоиз олаётганимиз йўқ. Аксинча, ҳамма пулимизни қайтариб олмаймиз, фақат даромад солиғи камроқ тўлаб фойда кўраяпмиз. Бу эса қонунчиликда бор нарса дейишмоқда. Кимнинг фикри тўғри? Яна бир вазият, ушбу ҳаёт суғуртаси билан шартнома тузган ходимлар гоҳида мендан қарз сўрашади. Мен суғурта шартномасини тузмаганман. Шунда мен “суғуртадан оладиган пулингиздан бошқа даромадингиз бўлса ва ана ўша пуллардан қайтариб берсангиз бераман”, деб жавоб қиламан. Бу ишим тўғрими?
«Зикр аҳлидан сўранг» ҳайъати:
- Ва алайкум ассалом! Бундай суғурта шаръан жоиз эмас. Валлоҳу аълам!
