НУН СУРАСИДА КЭЛГАН ВАЛАДИ ЗИНО

- У ҳеч бир амир-раҳбарга тегишли эмас. Тафсирчиларнинг аксарияти бу сурада зикр қилинган гуноҳкор – Валид ибн Муғийра деган мушрик, дейдилар. Ривоятларда зикр қилинишича, мазкур ояти карималар нозил бўлгандан сўнг Валид ибн Муғийра онасининг ҳузурига бориб, Муҳаммаднинг Худоси мени ўнта сифат билан айблабди, шундан тўққизтаси ўзимда борлиги аниқ, лекин отам кимлигини ўзим билмайман, сен айтиб бер, деган. Шунда онаси, сенга ростини айтай, сен отам деб юрган одамнинг эркаклиги йўқ эди. Фарзандсиз ўтсам, унинг меросидан қуруқ қолишдан қўрқиб, саҳродаги чўпон билан зино қилганман, сен ўша чўпондан бўлгансан, деган.