Жиҳод ҳақидаги оятлар ҳусусида

Ассалому алайкум устоз! Қуръони кримда: «Эй иймон келтирганлар! Сизлардан ким динидан қайтса, Аллоҳ албатта Ўзи севадиган ва улар ҳам Аллоҳни севадиган қавмни келтиради. Улар мўминларга хокисор, кофирларга қаттиққўл, Аллоҳнинг йўлида жиҳод қиларлар ва маломатчининг маломатидан қўрқмаслар. Бу Аллоҳнинг фазли бўлиб, хоҳлаган одамига беради. Аллоҳ фазли-карами ва билувчи зотдир» дейилган. Ёки, яна бир оятда: «Эй Пайғамбар, кофирлар ва мунофиқларга қарши жиҳод қил ва уларга нисбатан қаттиққўл бўл. Уларнинг жойи жаҳаннамдир. У қандай ҳам ёмон қайтадиган жой» дейилган. Ёки, яна бир оятда «Эй иймон келтирганлар, сизга яқин бўлган кофирларга қарши жанг қилинг. Улар сиздаги шиддатни кўрсинлар. Ва билингки, албатта, Аллоҳ тақводорлар билан биргадир». Пайғамбаримиз соллаллоҳу алайҳи васаллам ва хулофаи рошидинлар даврида ушбу ояти каримага тўлиқ амал этилган. Ислом ерларига яқин турган куфр жамиятларига қарши жиҳод қилинган. Бу тарихда маълум ва машҳур ҳақиқатдир. Ҳозирги турмуш шароитимизда қандай шарҳласа бўлади? Мазмун ва моҳиятини кенгроқ шарҳлашга ёрдам берсангиз! Хизматингиздан яратган Роббимиз рози бўлсин!