Аллергия ҳолатида намоз ўқиш
19:20 / 01.05.2019 | Нани Джаббарова | 1796
Ассалому алайкум! Аллергия касали билан 15 йилдирки оғриман. Аллергиям ўта кучайганда намозни ўтириб ўқийман, чунки аллергия пайтим бурнимдан сув келади. Тўхтовсиз ва тинимсиз аксираман. Ўтириб тургунимча ҳаммаёғим сув бўлиб кетади. Бурнимдан сув келмаслиги учун бошимни ўтирган ҳолатда тепага қаратиб намозимни ўкиволаман. Бу гуноҳ эмасми?
«Зикр аҳлидан сўранг» ҳайъати:
- Ва алайкум ассалом! Бурнингизга пахта тиқиб кўринг. Фартукка ўхшаш нарса қилиб олсангиз намоздан кейин ечиб қўяверасиз. Намозни тўлиқ қилиб адо қилинг. Валлоҳу аълам!
