Номаҳрамлардан кўзни тийиш

Ва алайкум ассалом! Аллоҳ таоло “Ар-Роҳман” сураси 46-оятида марҳамат қилади: وَلِمَنْ خَافَ مَقَامَ رَبِّهِ جَنَّتَانِ Роббининг ҳузурида туришдан қўрққанлар учун икки жаннат бор. Қиёмат куни Парвардигори оламнинг ҳузурида саволларга жавоб беришдан, ҳисоб-китоб мақомидан қўрқиб, тириклигидаёқ тайёргарлик кўриб, яхшилик билан кун кечирганларга икки жаннат бор экан. «Икки жаннат»нинг бир неча шарҳлари бор, жумладан, инсонларга алоҳида жаннат, жинларга алоҳида жаннат ёки икковларидан ҳар бирларига иккитадан жаннат. Гуноҳкорлар жаҳаннам билан ўта қайноқ сув ўртасида айлансалар, тақводорлар биринчи жаннатлари, яъни боғлари билан иккинчи жаннатлари – боғлари орасида сайр қилиб юрадилар. Яъни роҳат устига роҳат, фароғат устига фароғат.(“Тафсири Ҳилол” китобидан). Валлоҳу аълам!