қатрон
19:08 / 06.02.2018 | Alisher | 4793
Ассалому алайкум! Маълумки чўчқа гўшти пиширилган идишлар қатрон қилиш орқали тоза бўлади. Қандай сўйилгани номалум бўлган хайвонлар пиширилган идишлар хукми хам шундайми?
«Зикр аҳлидан сўранг» ҳайъати:
Ва алайкум ассалом! Идишлар икки қисмга бўлинади. Аввалги замондагидек ёғоч, сирланмаган ёки сири кўчган сопол идишлар. Уларга нажосат тушса қатрон(ювиб, тўнтарилиб бир томчи ҳам суви қолмагунича кутиш ва буни уч бор такрорлаш) орқали покиза бўлади. Иккинчи қисм идишлар ҳозирги кундаги сирли, шиша ва паластмассадан қилинган, темир ва мис каби материаллардан қилинган идишлар. Буларни қатрон қилишга ҳожат йўқ. ёғламаси кетгунича уч бор ювиш билан тоза бўлади. Обдасталарга ҳам нажосат тушса қатрон қилишга ҳожат йўқ. Валлоҳу аълам!
