Қандолатчилардан рўза саволи
Ассалому алайкум! Хурматли шайх хазратлари, қандолат цехида ишлаймиз. Шоколад ва печение махсулотлари чиқарамиз. Махсулотларни хиди доимо димоғимизга уриб туради. Цехдаги харорат хам юқори бўлади, айниқса печение цехларида жуда иссиқ бўлади рўза тутиш анча мушкул. Кучимиз етганча тутишга харакат қиламиз, лекин жуда қийин, баъзи ишчи ва ходимларимизда хушидан кетиб қолиш холлари бўлган. Рамазон ойида ишни буткул тўхтатиб қўйиш ёки хамма ишчиларни таътилга чиқара олмаймиз, турли муаммолар келиб чиқади, хамда хаммамизнинг хам тирикчилик манбаимиз шу ишимиз. Шундай цехларда ишловчи ишчи ва ходимлар рўзаларини кунлар салқинроқ бўлган фаслларда, таътилга чиққанда, кейинроқ тутиб беришса бўладими?
- Агар касбини тарк қилса, куни ўтмайдиган бўлса, рўза тутса, касбини қила олмай қолса, узрли ҳисобланади. Бу тоифага нонвой, темирчи ва кон ишчилари кабилар мисол бўлади. Улар саҳарликни қилиб рўзани ният қиладилар. Иш давомида ҳоллари чатоқ бўлиб қолса, рўзани очиб, кейин қазосини тутишади. Аммо, улар ушбу касбларидан бошқа йўл билан ёки ишни камайтириш орқали тирикчилик ўтказиб туришлари мумкин бўлса, узрли ҳисобланмайдилар.
