Икки саловот орасидаги дуо
12:05 / 28.08.2019 | Сайёра | 2953
Ассалому алайкум! Саҳиҳ Қудсида Аллоҳ "банда икки саловот орасида қилган дуосини қабул қилмасликка ор қиламан" маъносида хадис бор. Намоздаги саловотдан кейин дуо қилиб, саломдан олдин яна саловот этиш жоизми?
«Зикр аҳлидан сўранг» ҳайъати:
– Ва алайкум ассалом! Ҳа, фарз намозларида саломдан кейин ўтириш Аллоҳ Азза ва Жаллани энг улкан раҳмати ёғиладиган вақтлардандир. Инсон туриб кетишга шошмаслиги керак. Бу вақтда истиғфор, Оятул Курсий, тасбеҳ, таҳмид, такбирларни айтиб вақтидан унумли фойдаланиб дуо қилиб олиш керак. Чунки инсон бу вақтда Аллоҳ таолонинг зиёфатида бўлади. Аллоҳ таоло "Шарҳ" сурасида марҳамат қилади:
فَإِذَا فَرَغْتَ فَانصَبْ
7. Фориғ бўлсанг, (ибодатга) урингин.
وَإِلَى رَبِّكَ فَارْغَبْ
8. Ва фақат Роббингга рағбат қилгин. Валлоҳу аълам!
