Ширкни кечирилмаслиги
15:11 / 13.09.2019 | Bunyod | 2325
Ассалому алайкум! Агар инсонни гуноҳи денгизни кўпигича бўлса ҳам, Аллоҳ кечиради агар ҳоҳласа ва агар ширк келтирмаган бўлса. Ширкни Аллоҳ кечирмаслиги тўғрисида аҳли илмлардан эшитганман. Киши ширк нималигини билмасаю ширк амаллар қилган бўлса, кейинчалик Аллоҳ хидоятга бошлаб илм ато қилиб ширк қанчалик оғир гуноҳ эканлигини англаб, тавба қилса унинг келтирган ширкини Аллоҳ кечирадими? Исломда билиб қилган билан билмай қилганнинг тубдан фарқи борку. Шу мавзуга оид оят ёки ҳадис борми?
«Зикр аҳлидан сўранг» ҳайъати:
– Ва алайкум ассалом! Ширкни кечирилмаслиги тавба қилмасдан ўлиб кетсагина бўлади. Жони ҳалқумига келгунича тавба қилиб олса ширк ҳам кечирилади. Бу албатта тавбасига боғлиқ. Валлоҳу аълам!
