Қуръон Каримдан маълум оятларни тиловат қилиш
Бисмиллааҳир Роҳмаанир Роҳиим.Ва алайкум ассалом.Уламолар йиғилишларда, мажлсиларда тиловат қилишда ўша мажлисга мос, у ердаги йиғинга сабаб бўлган омил мавзусига тегишли оятларни ўқишни тавсия қилишган. Мисол учун, мотам муносабати билан ўтказилаётган маросимларда никоҳга доир оятларни ўқиш ёки унинг акси оятлар мазмунини тушуниб турган кишиларга бироз ноқулайик пайдо қилиши табии. Зотан, доимо Қуръон тиловатидан оятларнинг мазмунини тадаббур қилиш, улардан ваъз насиҳат олиш мақсад қилинади. Шунингдек, йиғинларда Қуръон ўқишда кишиларга малоллик келтириб чиқармаслик керак, етарли даражада, "яна озгина ўқиса эди", дейдиган миқдорда тиловат қилинса, яхши бўлади, Қуръонга нисбатан ҳурматни сақлашга сабаб бўлади. Бу борада тўлиқ маълумотга эга бўлиш учун Қуръон илмига доир китоб ва мақолаларга мурожаат қилиш тавсия этилади. Валлоҳу аълам.
