Куръони Каримни рус тилида укиб буладими?
00:00 / 17.01.2011 | eski savollar | 3774
Ассалому Алайкум! Мен балогат ёшига етган булсам-да, Куръони Каримни тулик укимаганман, шунчаки бир пайтлар узбекчасини вараклаб баъзи бир кисмини укиганман холос. Бугун онамга рус тилида Куръони Каримни топдим, укимокчиман, араб тилини билмайман, шунинг учун араб тилида укиганимдан фойда йук деб айтдим, чунки барибир асл мохиятини тушунмайман. Онамнинг жахли чикиб, менга рус тилида Куръони Каримни укишни таъкиклаб куйдилар. Факат узбек тилида ёки араб тилида укийсан деб туриб олдилар. Араб тили ва узбек тили мусульмон тилларидир, агар рус тилида Куръони Каримни укисанг гунохи аъзим булади, Оллохга шак келтирган буласан дедилар. Ахир ислом динини кабул килган руслар хам борку. Улар узбек ва араб тилини тушунишмаса рус тилида укишадику.Нахотки Куръони Каримни рус тилида укиш мумкун булмаса? Ахир дунёда хар хил миллатли мусулмон ахли хам борку?
Шайх Муҳаммад Содиқ Муҳаммад Юсуф роҳимаҳуллоҳ:
- Бошқа тилдаги сиз айтаётган нарсалар Қуръони Каримнинг маъноларининг таржимаси. Улар Қуръони Карим ўрнига ўтмайди. Маънони билишда ёрдам беради, холос. Намозда ўқиш учун арабчасини ўрганилади. Аммо таржималарини қайси тилда бўлса ҳам, жумладан, рус тилида ҳам ўқилаверади.
