Хирург операция вақтида намозни кечиктирса бўладими

– Ва алайкум ассалом! Намоз муҳим амал. Охиратда сўраладиган энг биринчи амал ҳам фарз намозлари бўлади. Операцияларни белгилашда намоз вақтларига қараш керак. Ҳеч бўлмаганда фарзини ўзини бўлса ҳам ўқишга ҳаракат қилиш керак. Қолдириш деган нарса динимизда йўқ. Намознинг охирги вақтигача озроқ кечиктириш мумкин. Намозга чиқса одамнинг жонига талофат етадиган ҳолат бўлса жонни сақлаб қолиш муқаддам қўйилади. Намозни қазоси ўқилади. Фиқҳий китобларимизда намоз ўқиётган киши ёнидан кўзи ожиз киши қудуқ ёки шунга ўхшаш чуқурга тушиб кетиш хавфи бўлса намоз ўқиётган намозини бузиб уни сақлаб қолиш вожиб дейилган. Шунингдек доялик қилаётган аёл тезроқ болани тортиб олмаса ҳалок бўлиши ёки бирор аъзосига талофат етиши хавфи бўлса доя аёл намозини бузади, вақтидан кечиктиради дейилган. (Мароқил фалаҳ. Шарҳи нурил ийзоҳ).

Қолгани доктор Аллоҳнинг ҳузурида нима деб жавоб беришига боғлиқ. Валлоҳу аълам!