Намоз ўқишга шароит
Ассаламу алайкум! Хитойда хам ўқиб хам ишлайман. Алҳамдулиллаҳ 5 вақт намоз ўқиман. Иш жойимда намоз ўқишлигим учун ўзим учун ўзим шароит қилганман. Рахбариятим бундан хабари йўқ, сабаби дин масаласида буларда тушунча деярли йўқ. Шунинг учун намознинг 3 махалини (пешин, аср, шом) ишхонамда ўқишга тўғри келади. Қолган икки махалини уйда тўлиқ адо қиламан. Ишхонамда бир кичкина 0.5 кв/м хонада намознинг 3 вақтини ўқийман, хона ўта кичкина бўлганлиги сабабли намозни тик турган холда рукъу қилиб, лекин саждани кичкина стулга қилиб чўккалаган холда қадада ўтириб ўқийман. Бунга сабаб хонанинг кичкиналиги ва сажда қилиш учун хонанинг етарли катта эмаслигида. Чунки бошқа хоналарда эшикни ёпиб олиб намоз ўқишга шароит йўқ. Шундай тарзда намоз ўқисам намозим адо бўладими?
– Ва алайкум ассалом! Пешонани ерга қўйиб сажда қилишга ҳаракат қилинг. Сон ва тиззаларни бир бирига ёпиштириб бўлса ҳам сажда қилинг. Валлоҳу аълам!
