Адвокатлик тўғрисида.

Ассалому алайкум ҳурматли Шайх Ҳазратлари!Ушбу саволни сизга беришни мандан илтимос қилишди. Аввалам бу саволнинг ўхшашини қидирдим, аммо фақат бир яқинини топдим-у, у жавобдан унчалик қониқмаяпмиз. У киши адвокат бўлиб ишлайдилар. Иложи борича инсонларни норози қилмасликка ва халол ишлашга ҳаракат қиладилар. Сўраган нарсалари қуйидагича:Масалан, бир аёл (аслида фарқи йўқ, эркак ҳам бўлиши мумкин) бирор жиноят қилган (масалан гиёҳванд модда билан ушлашган) ва қонун тарафидан жазоланмоқчи ва уни кўп йилларга қамоққа ташланиш кўрилмоқда. Жазоланувчининг 2-3 та ёш болалари бор, яъни улар ҳам ёлғиз (тўғрироғи қийин аҳволда) қолишлари мумкин. Мана шу ҳолатда буларга чин кўнгилдан (Аллоҳ йўлида) ёрдам бериш НИЯТида (албатта, жазоланувчиларнинг ўз қилмишларини тан олиб, бошқа такрорламаслик шарти билан) уларни маҳкамада ҳимоя қилса, уларнинг яқинларидан ўз меҳнати ва харажатлари учун пул ҳам олса, буни шариатда қандай бахолаш мумкин?Аллоҳ Сизни саломат ва меҳнатингизни барокатли қилсин!