Ислом ва санъат

Бисмиллаҳир Роҳманир Роҳийм. Ассалому алайкум. Ҳурматли Шайх Ҳазратлари! Яқин пайтларгача нима учун динимизда жонли нарсаларнинг расмини чизиш, ҳайкалини ясаш таъқиқланган деб ўйлаб юрардим. Яқинда бир бўлажак шифокор дўстим руҳий касалликлар шифохонасига амалиёт ўтагани борганини ва у ерда баъзи ақли заиф кишилар билан суҳбатлашганини айтиб қолди. Уни айтишича, фақат ўзини ҳақ, қолганларни аҳмоқ деб ўйлайдиган касаллар тоифасининг 90%и одамларнинг расмини чизиш билан шуғулланган экан. Уларни руҳий касалликларга чалинишидан олдин чизган расмлари одамни ҳайрон қолдирар экан.Кейинчалик чизган расмлари эса ҳаётийликка умуман дахли йўқ, хаёлий нарсалар экан. Инсон руҳий кечинмаларини унинг қиёфасида акс эттиришдек мураккаб иш уларни шу касаликка чалинишига сабаб бўлган. Бу гапларни эшитгандан кейин динимизнинг ҳар бир ғалати бўлиб кўринган ҳукми ҳам чуқур илмий асосга эга эканлигига яна бир бор гувоҳ бўлдим. Сиздан илтимосим юқоридаги масала бўйича яна биз билмаган нарсалар бўлса, бизларни хабардор этсангиз. Аллоҳ рози бўлсин!