Боланинг қусуғи нажосатми

Ассалому алайкум! Алҳамдулиллаҳ, Аллоҳ бизга фарзанд неъматини насиб этди. Бу бизнинг биринчи фарзандимиз. Ҳали фарзанд тарбиясида кўп ожизалик қилишимиз табиий. Мен чақалоқни қусуғини артиб юбориб намоз ўқийверади деб билардим. Аммо бир инсон менга “Болани қусуғи нажосат ўрнида бўлади. Чунки у ошқозонидан чиқади уни худди нажасни ювгандек ювиб ташлаш керак” - деб айтдилар. У инсон анча илм ўқиганлиги боис сўзларини тингладим. Аммо кўнглимда икки хил холат турибди. Шу сабабли сиз азизларга мурожаат қилмоқдаман. Айтинглар-чи, бу ҳақиқатдан ҳам шундайми?