Бомдод ва ҳушимни йўқотишим

Ассалому алайкум ва роҳматуллоҳ, Муҳтарам шайх.Аввало қилаётган савобли амалларингиздан Аллоҳ рози бўлсин!Бир танишимизнинг илтимосларига кўра, уларнинг номларидан савол бермоқчи эдик:- Аллоҳ имтиҳон қилиб, бир ҳасталикка чалинган эдим. Инша Аллоҳ, шифо ҳам топарман. Ҳасталигим шуки – ҳар-ҳар замонда тутқаноғим тутиб қолади. Ҳушимни йўқотаман.Намоз ўқишни эса жудаям хоҳлайман. Ўқиб ҳам юраман. Намоз – айниқса уни ўз вақтида адо этиш – нақадар муҳимлигини ҳам маърузалардан эшитиб, билиб юраман.Аммо... Эрталаб, бомдод намозига турсам – тутқаноқ тутадиган бўлиб қолган. Буни кўриб ойимлар: “намоз ўқима” деб туришибди. Бошқа намозларнику ИншаАллоҳ ўз вақтида адо қиларман, лекин бомдодни нима қилсам бўлади? Кейинроқ, кун чиқиб кетса ҳам – қазо қилиб ўқисам бўладими?Бир марта бомдодга туриб, ҳушимни йўқотганимга, ўзим ҳам эрталаб туришга қўрқаман, уйдагилар ҳам туришимга қарши. Ҳар бир ҳушимни йўқотишим – соғлигимга янада зарарли экан. Бу ҳушимни йўқотиш – кейингисига туртки/таянч бўларкан. Яъни, тез-тез такрорланадиган бўлиб қоларкан.Қанча “ҳушимдан кетмай юрсам” – менга шунча “плюс” экан.Сизга саволим: мана шу ҳолатлардан келиб чиқиб, - бомдодни қандай ўқишим ва (шу каби сабаблар туфайли қолиб кетган) бошқа қазо намозларимни қай тарзда адо этишим ҳақида айтиб ўтсангиз.Ҳаққингизга дуодамиз.Жавоб учун олдиндан раҳмат.Ассалому алайкум ва роҳматуллоҳ