Муқаддас каломлар

Ассалому алайкум ҳурматли Шайх хазратлари!Аллоҳ йўлида Исломга қилган ва қилаётган хизматларингиз учун Аллоҳ Сиздан рози бўлсин.Ҳурматли Шайх хазратлари, мени ва оиламни дуо қилиб қўйишингизни лутфан сўрайман.Инсон жунуб холатида Аллоҳнинг исмини ва Бисмиллаҳ, Алхамдулиллаҳ, Астағфируллоҳ каби муқаддас сўзларни тилига олиш мумкин эмас деб эшитганман.1-савол: Инсон жунуб ҳолатида Аллоҳнинг исмини ёки муқаддас сўзларни тилга олмасдан хаёлидан ўтказса бўладими? Мисол учун бир ишни қилишдан олдин Бисмиллаҳ деб хаёлидан ўтказса.2-савол: Инсон жунуб ҳолатида исломий тафаккур қилса бўладими? Яъни баъзан жунуб ҳолатда инсон бугун палончи ишни қилдим, шу ишим тўғримикан ёки гуноҳмикан, палончи жойда писмадонча деб ёзилганди демак қилган ишимга рухсат бор каби нарсаларни ўйлайди.3-савол: Инсон гуноҳи кабира ишлаб турган вақтда (мисол учун ароқ ичиб маст бўлган ҳолатда) Аллоҳнинг исмини ёки муқаддас сўзларни тилга олмасдан хаёлидан ўтказса ва ёки исломий тафаккур қилса бўладими? Мисол учун қилаётган ишим жуда катта гуноҳ. Аллоҳим мени кечирсин, Астағфируллоҳ деб хаёлан ўйласа.Мен умуман ароқ ичмайман.Исломга хизматда сарфлаган ҳар бир сониянгиз учун Аллоҳим беҳисоб ажру савоблар берсин Сизга, ҳурматли Хазрат.