Даволаниш
Ассалому алайкум! Бир дардим бор, лекин хеч бир шифокор тавсиясию дори дармон таъсир қилмаяпти. Бир домланинг маслахати оёғи оғриётган одамга нотўғри жойда тахорат олгансиз деб исириқ билан чойга қандайдур дуоларни ўқиб шуларни ишлатса иншааллох шуни килсангиз албатта шифо бўлади деб айтибди. Бу усул шариатимизда мумкинми, қилса бўладими?
– Ва алайкум ассалом! Инсон ҳам бир автомобилга ўхшайди. Унинг бошқарув рули фикрдир. Рулни хайдовчи бошқарса инсон ўз фикрларини Аллоҳга ҳавола қилиш керак. Шунда барча нарсага қулликдан озод бўлади. гуноҳларнинг асл ўзаги ҳам инсон ўз рулини Аллоҳдан бошқанинг қўлига тутқазиб қўйиш билан бўлади. маслалан ким бировдан таъма қилса ёки қўрқса ўша таъма қилган ва қўрққан кишисининг қўлига рулини топширган бўлади. Худди шунингдек бемор инсон ҳам рулини касалликка топширса, дардни айтганини қилиб унга ялиниб юраверади. Агар рулини Аллоҳга топшириб бировдан таъма қилганини Аллоҳдан таъма қилса, қўрққан нарсасини Аллоҳдан даф қилишини сўраса, касаллигига шифо бериши Аллоҳдан сўраса, Аллоҳ буларнинг барчасига кифоя қилади. Валлоҳу аълам!
