Куфр эмасми

– Ва алайкум ассалом! Куфр эмас. "Шу нарса сақлайди" деган эътиқод бўлса ширкка киради. Чунки шу эътиқоди билан у нарсани ўзига Худо қилиб олган бўлади.

Абдуллоҳ ибн Масъуд розияллоҳу анҳу шаръий аҳкомларни тушунтириш билан бирга, уларга амал қилишни ҳам эринмай ўргатар эдилар.

Имом Абу Довуд ва Ибн Можалар Абдуллоҳ ибн Масъуд розияллоҳу анҳудан ривоят қиладилар:

«Набий соллаллоҳу алайҳи васаллам:

«Албатта, дам солиш, тумор ва иссиқ-совуқ қилиш ширкдир», дедилар.

Шунда унинг хотини Зайнаб:

«Бу қандай гап? Ахир менинг кўзимдан ёш оқар эди. Фалончи яҳудийнинг олдига борсам, дам солиб қўйса, тўхтаб қолар эди», деди. 

«Ўша шайтоннинг иши. У қўли билан уни (кўзни) ковлар эди. Дам солганда тўхтар эди. Сенга эса Пайғамбаримиз соллаллоҳу алайҳи васаллам айтган нарсани айтмоқ кифоя қилар эди: 

  «Аллоҳумма! Роббан-наас! Музҳибал-баъс! Ишфи, анташ-шаафий. Лаа шаафия иллаа анта. Шифаан лаа юғодиру сақман», деди у». Валлоҳу аълам!