Сеҳр (Дуо)
Ассалому алайкум! Яқинда эрим мошинасини юваётиб мошина ичидан қизил бахмал материалга тикилган учбурчак дуо топиб олди. Мошинага минган кимникидир тушиб қолган бўлса керак деб ўйладик. Бироқ дуо мошина ичига жойлаштирилиб қўйилган, тушиб қоладиган жойдан топилмади. Қайнанам дуони ичини очиб қарамай сувга оқизиб юборди. Яна шунга ўхшаш бир неча йил олдин узатилган қайнсинглим оламдан ўтиб қолганди. Майтни чиқариб кетгандан кейин уйимиз олдидаги теракнинг иккита барглари орасига яширилган қизил духобага тикилган учбурчак дуони топиб олгандик. Эримнинг тоғаси бу дуони очиб ўчоққа ёқиб юборганди. Кимдир бу ишларни қастдан қилган бўлиши мумкинми, сувга оқизиб юборганимиз тўғри бўлганми, ёқиб юборганимизчи. Қандай йўл тутишимиз керак эди.
– Ва алайкум ассалом! Аллоҳ таоло мусулмонларни Ўз паноҳига олиши учун хоссатан икки сурани нозил қилди. Ҳадисларда эса сеҳрдан паноҳ сўрашни таълими берилган. Шуларга амал қилган мусулмонга сеҳр ҳеч қандай зарар қилмайди. Валлоҳу аълам!
