Мерос ҳақида
00:00 / 28.05.2012 | eski savollar | 1914
Ассалому алайкум Шайх Ҳазратлари.Биз тўрт ўғил, бир қизмиз. Отамиз ҳаммамизни уйли-жойли қилганлар. Уйда укам қолган. Отам ҳозир ҳаётлар. 1. Қилиб берган уй-жойлари меросга қўшиб ҳисобланмайдими? Ҳадя бўладими?2.Агар отам қазо қилсалар (умрлари узоқ бўлсин) биз 3 та ака ва синглимиз ота уймиздан мерос олишимиз керакми?Жавобингиз учун олдиндан раҳмат.
Шайх Муҳаммад Содиқ Муҳаммад Юсуф роҳимаҳуллоҳ:
— Тирикликда берилган нарса ҳадя бўлади. Мерос қолдирувчи вафот қилганда унинг мулки бўлиб турган нарсалар меросхўрлар орасида шариат бўйича тақсимланади. Ҳозир отангиз ўзи ўтирган уйни кичик болага совға қилсалар, кейин бошқалар талаб қила олмайдилар.
