Кўз операциясидан сўнг тахорат ва намоз
19:57 / 24.12.2020 | 무미너브바허드르 | 2133
Ассалому алайкум! Укам душанба куни кўз оператсиясини бошдан ўтказади ва бу оператсия оддий оператсиядан фарқ қилади. Бемор 3 ҳафта давомида ётиши лозим ва юзига сув текказиш ва чўмилиш ман этилган. Таяммум эса ҳавфли кўзга инфексия тушиши мумкун. Лекин ҳўл салфетка билан кўз атрофини ва юзни артиши мумкун. Шу ҳолатда ҳўл салфетга орқали таҳорат қилса бўладими? Оператсиядан сўнг бир қанча муддат соғайиб кетгунгача имо ишора билан намоз ўқиса бўладими?
«Зикр аҳлидан сўранг» ҳайъати:
– Ва алайкум ассалом! Юзни ювиш имкони бўлмаса қўл ва оёқларни ювиб, бошга масҳ тортиши шарт. Юзга эса қзлни хўллаб ювиш мумкин бўлган жёларни ювади ва сув тегса зарар қиладиган жойларга масҳ тортиб қўяди. Намозни ишора билан ўқийди. Валлоҳу аълам!
