Қарз
Ассалому алайкум! Бундан анча йиллар аввал амаким отамдан 1000$ қарз олганди. Амаким қизини узатаётгани учун қарз сўраган. Отам 1000$ дан ташқари 300$ тўёна ҳам берган. Пулни қайтариш куни белгиланмаган, отам шароит бўлганида берарсиз деганлар. Орадан анча йиллар ўтиб амаким 3 000 000 сом пулни отамга олиб келди. Билишимча амаким қарз олган пайтда доллар курси шу суммага тўғри келган. Амаким қарзни олиб келган вақтда 1000$ сўмга 8 500 000 га тўғри келарди. Отам пулни олмади. Сизга пулни қайси кўринишда берган бўлсам шу кўринишда қайтаринг деди. Амаким қайтиб кетти ҳалигача қарзни қайтармади. Бу ҳолатда шариат ҳукми қандай бўлади?
– Ва алайкум ассалом! Аввало қарзнинг нималигини билиб олишимиз керак. Шариатимизда қарз деб “мисли бор нарсани берганининг мисличасини эвазсиз қайтариш”га айтилади. Қанча берган бўлса шунча олишга ҳақлидир. 1000 берган бўлса ўшани олишга ҳақли. Валлоҳу аълам!
