Савол

Бисмиллаҳир роҳманир роҳийм. Ассалому лайкум ҳурматли Шайх хазратлари.Дуонинг ижобати ҳақида қуйидаги саволни бермоқчиман.Аллоҳга шукур-ки чин дилдан, ихлос билан, ижобатига ишониб, Яратганнинг қудратига иймонини комил қилиб Аллоҳга дуо қилинса шубҳасиз ижобат бўлишини биламан ва бунга иймоним комил.Шу кунгача Аллоҳга қилган дуоларимнинг деярли барчаси ижобат бўлган. Яққол ижобат бўлмаган дуоларимни хатто эслай олмайман, бунинг учун Аллоҳга беҳисоб ҳамду санолар бўлсин. Лекин бир холат бор, қисқа муддатда ижобат қилишини сўраб қилган дуоларим ижобат бўлмаяпти (ана шу дуоимни ижобат қилишга Аллоҳнинг қудрати аниқ етишлигини тафаккур қилиб, чин дилдан сўрасам ҳам). Масалан, "менга бугун фалон нарсани (аниқ бир нарсани номини айтиб) бер" ёки "эртага" деб қилган дуоларим.Хазрат бунинг сабаби нима бўлиши мумкин, мендан нима хато ўтмоқда ёки бу тарзда дуо қилиш мумкин эмасми?Жавобингиз учун раҳмат. Аллоҳ Сиздан рози бўлсин.