Оёқ кийимда намоз
14:14 / 20.01.2021 | Komiljon | 2217
Ассалому алайкум! Куним кўчада ўқишда ўтади. Аллоҳ Ўзининг фарзини вақтида адо этишга қодир қилганига шукур. Лекин дарс ўтилмайдиган хоналаримиз совуқ бўлади. Шу сабабдан у хоналарда дарс ўтилмайди. Агар бемалол бўлсам, ён-атрофдаги дўконларга ёки ҳатто масжидга ҳам бориб келаман. Лекин дарснинг орасида ташқарига бирровга деб рухсат олганим учун бунга улгурмайман. Намоз ўқиш учун эса ер зах, хона ҳам жуда совуқ. Ўша пайти оёқ кийимни ечмай намоз ўқиса бўладими? Бир пайтлар ҳатто стол устида ўқиган пайтларим ҳам бўлган.
«Зикр аҳлидан сўранг» ҳайъати:
– Ва алайкум ассалом! Оёқ кийимни ечиш шарт эмас. Оёқнинг ости нажосатдан пок, оёқ кийимини ички астари тўнғиз терисидан бўлмаган бўлса бўлди. Валлоҳу аълам!
