Аллоҳдан ёрдам сўраш
Ассалому алайкум! Бир пайғамбар Аллоҳдан сўрамай дарахдан ёрдам сўрагани учун дарахтни иккига аралаб ўлдирилган эди. Аллоҳдан қай вақтда ёрдам сўраса бўлади? Бандадан қай вақтда ёрдам сўраса бўлади?
– Ва алайкум ассалом! Фақат Аллоҳгина қодир бўлиб, бошқасининг қўлидан келмайдиган нарсаларни Аллоҳдан бошқасидан сўраш ширк ҳисобланади. Аллоҳдан бошқасининг ҳам қўлидан келадиган нарсаларни бошқадан сўраш ширк эмас. Масалан фарзанд бериш, ризқ беришни Аллоҳдан ўзгадан сўраш жоиз эмас. Сабаб бўлишини эса сўраш жоиз. Яна қорни очганида кимдандир таом сўраш жоиз, чунки бу банданинг қўлидан ҳам келадиган нарса. Фарзанд кўриш учун турмуш қуришни таклиф қилиш ҳам банданинг қўлидан келади. Лекин фарзанд бериш Аллоҳдан ўзганинг қўлидан келмайди. Валлоҳу аълам!
