Жинлар ҳақида.

Бисмиллаҳир роҳманийр роҳийм. Ассалому алайкум Ҳурматли Шайх хазратлари. Яқинда бир домланинг маърузасида, уламолар энг ақлли жинларнинг ақли ўн ёшли инсон боласининг ақли билан баробар деган эканликларини эшитдим ва бунга ишондим. Мен жинлар ҳам инсонлар каби Аллоҳнинг ожиз бир маҳлуқлари, уларнинг инсонларга "тегиши" ёки "кириши" фақатгина Аллоҳнинг иродаси билан бўлади, инсонлар қўлдан келганича Аллоҳнинг амрига бўйсуниб, беш вақт намозда қоим бўлсалар, харомдан узоқ бўлсалар, хатто-ки алоҳида суъраларни ўқиб ўзларига дам солмасалар ҳам жинлар инсонга зарар етказа олмайди деб эътиқод қиламан. Менимча Аллоҳга таваккул қилишнинг ўзи етарли бўлса керак. Хатто жинларни менсимай ҳам қўйдим. Ҳурматли устоз, айтингчи менинг бу борадаги фикрларим тўғрими ёки адашаётган жойларим ҳам борми? Сизга ташаккур.