Машинамни қайта сотиб олсам бўладими?

муҳтарам устоз, Аллоҳ :жж дийн йўлида, ўзининг розилигини истаб қилаётган амалларингизни ҳусни-қабул айласин, савобини эса Ўзи кўпайтириб берсин. Сизга бир дўстимнинг саволини йўлламоқдаман. Дўстим ишлаб чиқариш соҳасида фаолият юрғизади. Унга ҳозир пул зарил бўлиб турибди. Агар бир одамга ўзимнинг машинамни сотсам, сўнг ўша одамдан ўз машинамни қайта ижарага олиб миниб турсам бўладими, кейинчалик пул бемалолроқ бўлиб қолганда яна ўз машинамни қайта сотиб олишим жоизмикан, шу масалада қанақа йўл тутсам шариатимизга хилоф бўлиб қолмас экан, шуни сўраб беринг - деб илтимос қилган эди. Жавобингиз учун аввалдан ташаккур!