Иймон сусайиши олдини олиш
Ассалому алайкум! Ёшим 18да. Қарийб 1 йилдан бери намоз ўқийман худога шукур, лекин охирги пайтлар жуда ҳам иймоним сустлашиб кетяпти. Базида намозларимда ичим қисилиб кетади. Ҳамма нарсадан тўйгандай. Ишончимам ихлосимам сўниб бўлгандай худди. Энг ёмони шундай бўлибам қўрқув йўқ. Қисқаси ноумид ва ношукур бўлганман. Нима қилишга хайронман. Ёрдам беринглар.
– Ва алайкум ассалом! Кўзни ёмон нарсалардан тийинг. Ҳозирги кунда қалбда иймоннинг ҳаловатини топишда асосий амал кўзни номаҳрамлардан тийишдир. Бошқа ишга ҳожат ҳам йўқ.
Абдуллоҳ ибн Масъуд розияллоҳу анҳудан марфуъан ривоят қилинди:
«Аллоҳ таоло деди: (ҳаром қилинган) назар Иблиснинг заҳарли ўқларидан биридир. Кимки мендан қўрқиб уни тарк қилса уни шундай бир иймонга алмашиб қўяманки, унинг ҳаловатини қалбида ҳис қилади». (Тобароний ва Ҳоким ривояти). Валлоҳу аълам!
