ГМ автомобиллари

Бисмиллаҳир Роҳманир Роҳим. Ассалому алайкум ҳурматли Шайх хазратлари. Бир масалага аниқлик киритиш мақсадида савол билан мурожаат этмоқчи эдим. Юртимизда ишлаб чиқарилаётган автомобиллардаги белгиларнинг хоч ёки бошқа оддий белгилиги тўғрисида берилган саволга қуйидагича жавоб берган экансиз. Иқтибос: - Буни ташкил қилганларнинг ниятига боғлиқ. Агар улар буни хоч деб диний ният билан қўйган бўлса, хоч деб эътибор қилинади. Бўлмаса, оддий ва бошқа белгиларга ўхшаш белги бўлади. Савол шундан иборатки, хозирги кунда бу автомобиллардан юртимиз аҳолиси фойдаланмоқда ва уларнинг кўпчилиги мусулмонлар. Шуни инобатга олиб, юртимиз ёки дунё мусулмон олимлари томонидан бу белгидан асл мақсад нима эканлиги суриштирилганми? Очиғи мен ҳам шу русумдаги автомобилдан фойдаланаман, лекин ундаги белги хоч бўлиши мумкинлигини эса юқоридаги саволни ўқиганимдан кейингина билдим. Унгача эса бу хатто хаёлимга ҳам келмаган эди.