Кафиллик шартномаси

Бисмиллаҳир Роҳманир Роҳим. Ассалому алайкум ҳурматли Шайх хазратлари. Қуйидаги савол билан мурожаат этишга рухсат берсангиз. Сайтдан излаб топа олмадим. Давлат ташкилоти раҳбари мана шу ташкилот номидан бошқа бир давлат ташкилоти олган кредит учун банкка кафиллик қилиши мумкин-ми? Бунда уч томонлама "кафиллик шартномаси" расмийлаштирилади, яъни кредит олган ташкилот, банк ва кафиллик қилувчи ташкилот. Кафиллик қилувчи ташкилот бундан хеч қандай молиявий манфаат кўрмайди, бу ерда шарт шуки кредит олган ташкилот кредитни муддатида қайтара олмаса, кафиллик қилган ташкилот кредитни қайтаришга мажбур бўлади. Ҳурматли хазрат бу саволни беришдан мақсад, ношаръий ишларни қилиш учун йўл ахтариш эмас, балки ҳозирги кун талабидан келиб чиқиб, масалага ойдинлик киритиш. Ташаккур.