Акамнинг турмушидаги келишмовчилик
Ассалому алайкум! Акамнинг оиласи бузулиб кетиш арафасида. Ота-онам бунга қарши. Акам бир неча йилдан бери Россияда ишлайди. Яқинда у ерда уйланиб, фарзандли болганини айтиб қолди. Бу сирни фақат акам ва мен биламиз. Уйдаги келин ота онам хизматини чиройли қилади, 2 та фарзанди бор. Лекин эрининг кўнглидан қолган, ўзидан бездирган, эркак кишига ёқмайдиган, жўрттага кўп гаплар, ишлар қилган. Акам ҳам безиб, Россияга кетишга мажбур бўлган. Лекин нима бўлса ҳам, биз келин тарафмиз, ажрашиш, болалар отасиз ўсишига мутлақо қаршимиз. Келин уйига борса, шароит йўқ, онаси инсулт. Кетаман барибир деб туриб олган. Бу ҳолатда нима қилиш керак?
– Ва алайкум ассалом! Акангиз яшаса бировни умрини зое қилмасдан келиб яшасин. Яшамайдиган бўлса талоғини берсин, келин иддасини ўтириб бўлиб бошқага турмушга чиқсин. Валлоҳу аълам!
