Қиблани тўғрилаш керакми?

Ассалому алайкум Шайх ҳазратлари.Бухоро вилоятида масжидлар деярли барча эски вақтда қурилган бўлиб, қуёшга қараб эски услубда қибла аниқланган. Ҳамма масжидларда 30 дан 45 градусгача бошқа томонга қараган. Бу замонавий асбоблар билан ўлчаб кўрилди. Бунга ўхшаш саволларга берган жавобингиздан шуни билдимки, масжиднинг қибласини тўғрилаш кераклиги ва бундай ҳолатда намоз ўқиш мумкин эмаслигини айтгансиз. Бу ҳолатларни масжид имомига айтдим ва берган жавобингизни ҳам кўрсатдим. Имом эса бунга фатво бор, шундай ўқийверамиз деб айтдилар. Мен жамоат намозини ва жума намозларини қандай ўқишим керак? Мен намозларимни нуқсонли бўлишини хоҳламайман. Ахир киблага юзланиш намознинг фарзларидан бирику. Барча масжидларнинг кибла нотўғри белгиланган. Нима қилишимни билмаяпман, йўл кўрсатинг Ҳазрат. Агар ноўрин савол берган бўлсам олдиндан узр сўрайман.