Қурт қумурсқа савдоси
13:13 / 28.08.2021 | Ixlos | 1432
Ассалому алайкум! Бир танишим балиққа пашша қурти яъни ( чёрная львинка қурти) етиштириб сотади бу савдо жоизми? У қурт мол нажосати ичида ўсади ва истемол қилади, нажосатнинг савдоси харом деб эшитгандим.
«Зикр аҳлидан сўранг» ҳайъати:
– Ва алайкум ассалом! Ҳашоратларни истеъмол қилиш ҳанафий мазҳабида ҳаром ҳисобланади. Уларни савдоси борасида унинг келтирадиган инсонга манфаатидан келиб чиқади. Масалан ипак қурти, зулук, асал ари каби ҳашаротларни фойда келтирувчи бўлганидан уламолар савдосига рухсат беришган. Ҳанафий мазҳабидаги мўътабар фақиҳлардан имом Ҳасфакий бу борада бир қоидани айтиб ўтганлар:
“Ҳашаротларнинг савдосининг жоиз бўлиши ундан келадиган фойдаланишнинг ҳалоллигига тааллуқлидир”. Валлоҳу аълам!
