Хадис ва Қуръон
Ассалому алайкум! Сахих хадисда айтилишича бир бирига қарши қилич кўтарган икки мумин мусулмон бўлса бири иккинчисини ўлдирса хам иккисини жойи жаханнамда, ўлдирган одамники маълум лекин ўлдирилган инсон хам ўлмаганида у ўлдириши мумкин деган маънодага хадис билан Али розиАллоҳу анху бир тараф, Муовия ибн Суфён ва Оиша онамиз розиАллоҳу анхумлар бошқа тараф бўлиб курашишган экан. Буни юқоридаги хадис билан қандай боғлаймиз?
– Ва алайкум ассалом! Сиз боғлашга ҳаракат ҳам қилманг ўйлаб ҳам ўтирманг. Сиз билан биз ўша вақтда бўлиб ўша фитналарда қилич кўтаришимиздан Аллоҳ сақлабдими, энди у ҳақида ёзишдан қаламимизни ҳам кўтаришини Аллоҳдан сўрашимиз керак. Ҳаддимиз бўлмаган нарсада бош қотиришимиз умрни зое кетказиш ҳисобланади. Чунки қиёматда Муовия розияллоҳу анҳу ва Оиша оналаримиз қилган у ишдан сиз ҳам биз ҳам сўралмаймиз. Улар ҳақида Аллоҳ таоло Ўзининг каломидаги «Аллоҳ улардан рози бўлди...», «...улар ҳам Ундан рози бўлдилар» деган оятининг ўзи кифоя қилади. Валлоҳу аълам!
